Mae Adroddiad Llesiant Anifeiliaid PDSA (PAW) 2024 bellach ar gael ar-lein:

https://pdsa.org.uk/pawreport2024

Dyma 14^eg rhifyn yr Adroddiad ac mae’n dal i fod yn asesiad blynyddol mwyaf y DU o lesiant anifeiliaid anwes.

Mae’r Adroddiad yn olrhain tueddiadau o ran sut mae Anghenion Lles ein hanifeiliaid anwes yn cael eu diwallu gan eu perchnogion yn 2024. Eleni, mae’r canfyddiadau’n dangos pryderon parhaus am ddarparu adnoddau ar gyfer cwmnïaeth cathod a chwningod. Ar ben hynny, mae’r Adroddiad yn ymchwilio i faint o gwsg mae cŵn yn ei gael a defnyddio cymhorthion hyfforddi sy’n cosbi gyda chŵn, gyda phryderon cysylltiedig am ymddygiad.

Gyda 14 mlynedd o ddata, mae PDSA yn ffynhonnell heb ei hail o wybodaeth am y newidiadau i les anifeiliaid anwes dros y cyfnod hwn. Ar ben hynny, yn 2024 mae’r Adroddiad yn olrhain effeithiau’r newidiadau mawr i ffordd o fyw a welwyd dros y 4 blynedd diwethaf, ochr yn ochr ag asesu effaith costau byw uwch ar anifeiliaid anwes. Mae'r Adroddiad hefyd yn ymchwilio i effaith bosibl gwahardd cŵn ‘XL Bully’ ar berchnogion anifeiliaid anwes.

Gan edrych ar bob un o’r 5 Angen Lles, ochr yn ochr â phoblogaethau anifeiliaid anwes ac ymddygiadau caffael, mae Adroddiad 2024 PAW yn edrych ar sut mae’r newid mewn perchnogaeth anifeiliaid anwes yn y DU yn effeithio ar y ffordd mae ein hanifeiliaid anwes yn cael gofal. Mae methodoleg yr Adroddiad yn rhoi model gwyliadwriaeth cadarn, dibynadwy ac wedi’i ddilysu i fonitro effeithiau posibl newidiadau y mae anifeiliaid anwes a pherchnogion wedi’u profi, yn ogystal â chymharu canfyddiadau â thueddiadau a data o’r 14 mlynedd diwethaf.

Yn ôl